Ambasadorja amerikane Yuri Kim e ka nisur të mërkurën me një takim në Gjykatën e Posaçme Kundër Korrupsionit dhe Krimit të Organizuar.
Në takim kanë qenë të pranishëm drejtuesja Irena Gjoka dhe gjyqtarë të tjerë të Shkallës së Parë.
Sipas mediave, Kim i ka bërë të qartë gjyqtarëve të GJKKO se do të vijojnë të kenë përkrahjen e SHBA dhe i ka dhënë mesazhin që të japin vendimet e duhura për fatin e vendit.
“Keni përkrahjen e mbështetjen tonë. Vendimet tuaja mund ta bëjnë Shqipërinë një vend normal e anëtar të BE. Mos lejoni fëmijët tuaj të largohen nga ky vend. Me vendime të drejta keni në dorë fatin e vendit”, mësohet të ketë thënë Kim.
Pas takimit për afro 30 minuta ka vizituar edhe sallat e gjyqeve dhe ambientet e punës së GJKKO.
Sakaq, të premten në orën 10:30 do të rikthehet për tu takuar me drejtues dhe gjyqtarë të Apelit të Posaçëm.
VAZHDO TË LEXOSH MË TEPËR PËR TEMËN
Ambasadorja Kim nga Shkodra: Disa po e pengojnë SPAK, por…
“Nuk heq dorë kollaj”- Paralajmërimi i ambasadores amerikane
Ambasadorja amerikane: SPAK duhet të ketë sukses!
