Një gardërobë e kompletuar nuk bazohet vetëm në pjesët kyçe që janë bërë nga pëlhura cilësore, por edhe në ngjyrat e duhura që kanë fuqinë për të përmirësuar çdo pamje. Sigurisht njëra prej tyre është ngjyra e zezë, e cila është një ndër zgjedhjet më të zakonshme për të krijuar një stilim elegant.
Megjithatë, paleta e ngjyrave përfshin tone që plotësojnë njëra-tjetrën duke krijuar kontrastet e duhura, si dhe nuancat e theksuara që arrijnë gjithmonë qëllimin e tyre, për të krijuar një veshje që duket e shtrenjtë. Këto janë 5 ngjyrat që do ta bëjnë garderobën tuaj të duket më e shtrenjtë:
Krem
Nuanca më e butë dhe më e ndritshme për gardërobën e vjeshtës dhe dimrit është kremi, jo e bardha. Përshtateni edhe për të krijuar look total, duke luajtur me tekstura të ndryshme.
Hije neutrale
Ngjyra e pasur e çokollatës, bezhës dhe të gjitha nuancat tokësore janë baza për një gardërobë të shtrenjtë. Këto nuanca gjithashtu shkojnë mirë me arin, janë të gjithanshme në ton dhe plotësojnë çdo stil.
Portokalli
Mund të mos jetë zgjedhja më e dukshme, por megjithatë, një nuancë e theksuar si portokallia e ndezur i jep atë prekje luksoze garderobës. Kur të zgjidhni veshje në nuancën portokalli për stinën e vjeshtës, le të jenë pulovra dhe pallto të ngrohta.
Blu
Në vend të të zezës, zgjidhni blunë e errët. Duket e shtrenjtë dhe nuk është rastësi që kjo ka qenë ngjyra e preferuar e Christian Dior.
Gri
Një tjetër nuancë që ka gjithmonë fuqinë të duket e shtrenjtë është grija. Kjo ngjyrë kombinohet lehtësisht me blunë dhe të zezën, duke ju lejuar të krijoni kombinime të panumërta mbresëlënëse.
VAZHDO TË LEXOSH MË TEPËR PËR TEMËN
5 trendet më të mëdha të çantave për vjeshtën
