Kombëtarja e Brazilit nuk do të mund të llogarisë në shërbimet e Neymar dhe Danilo për dy ndeshjet e radhës në Kupën e Botës “Katar 2022”. Të dy futbollistë pësuan lëndime në ndeshjen e të enjtes mbrëma kundër Serbisë, të cilën brazilianët e fituan me rezultatin 2-0.
Mediumi brazilian “Globo” ka raportuar këtë të premte se Neymar dhe Danilo do të mungojnë në pjesën tjetër të fazës së grupeve për shkak të lëndimeve.
Kësisoj, sulmuesi i Paris Saint-Germainit dhe mbrojtësi i Juventusit do të mund të ndihmojnë vendin e tyre në ndeshjet pas fazës së grupeve, gjithmonë nëse “Seleçao” kualifikohet tutje.
🚨Globo:
Neymar Jr and Danilo will miss the rest of the group stage due to injuries.
— Brasil Football 🇧🇷 (@BrasilEdition) November 25, 2022
Brazili më 28 nëntor do të përballet me Zvicrën, kurse më 2 dhjetor e luan ndeshjen e tretë dhe të fundit në Grupin G, kundër Kamerunit.
VAZHDO TË LEXOSH MË TEPËR PËR TEMËN
