Pronari i ri i Twitter-it, Elon Musk, ka deklaruar se llogaria e ish-presidentit amerikan Donald Trump është rikthyer në platformë.
Vendimi erdhi pas një sondazhi që Musk organizoi në Twitter në lidhje me rikthimin ose jo të llogarisë së ish-presidentit.
“Njerëzit kanë folur”, shkroi Musk në Twitter, duke thënë se 51.8% e më shumë se 15 milionë përdoruesve të Twitter votuan për heqjen e ndalimit.
Por ish-presidenti amerikan mund të mos kthehet në platformë, duke deklaruar më herët: “Unë nuk shoh ndonjë arsye për këtë”.
Kujtojmë se llogaria e tij u pezullua në vitin 2021 për shkak të nxitjes së dhunës gjatë trazirave në Kapitol.
Menaxhmenti i mëparshëm i Twitter veproi vetëm disa ditë pasi mbështetësit e Donald Trump sulmuan Kapitolin më 6 janar të vitit 2021, ku qindra protestues hynë në kompleks teksa Kongresi priste të certifikonte fitoren e Joe Biden.
Dhuna që pasoi çoi në vdekjen e katër civilëve dhe një oficeri policie.
Menjëherë pas trazirave, llogaritë e Donald Trump në Facebook, Instagram dhe YouTube, të cilat kishin të gjitha dhjetëra miliona ndjekës, u pezulluan gjithashtu.
Disa muaj më vonë, ai lançoi platformën e tij të mediave sociale, Truth Social.
Rikthimi i Trump në Twitter vjen në një moment kyç politik, pasi ai një javë më parë shpalli zyrtarisht kandidimin për zgjedhjet e vitit 2024 në Amerikë.
VAZHDO TË LEXOSH MË TEPËR PËR TEMËN
‘Hakmarrje për Brexit’/ Ja kush e infektoi kryeministrin britanik
“Kukull në duart e Kinës”, Trump kërcënon OBSH-në
“Do të kandidoj për president të SHBA-ve”
