Kompania e Twitter po përballet me një lumë padish nga ish-punonjësit e saj të cilët u shkarkuan nga detyrat e tyre pasi multimiliarderi Elon Musk mori drejtimin e firmës.
Sipas mediave amerikane, ish-punonjësit shprehen se nuk janë respektuar afatet e duhura për largimin nga puna, duke iu referuar ligjit federal të SHBA-së.
Një ditë më parë, Twitter-i i njoftoi të gjithë punonjësit e saj se do t’u vinte një email në llogarinë e gjithësecilit për t’u treguar nëse janë shkarkuar nga puna ose jo.
Por përara se të merrnin emaile-t, shumë prej punonjësve kanë reaguar në Twitter se janë shkarkuar nga puna pasi nuk kishin më akses në platformat dhe llogaritë personale të kompanisë së tyre.
Plani i Elon Musk për të hequr nga puna 3700 persona, duket se do të përballet me pengesë ligjore pas ngritjes së padisë në gjykatën federale të SHBA-së në San Francisco.
Sipas ligjit, në raste kur bëhen shkarkime masive punonjësish, pronarët duhet të njoftojnë 60 ditë përpara, gjë e cila nuk ka ndodhur në rastin konkret.
VAZHDO TË LEXOSH MË TEPËR PËR TEMËN
Elon Musk blen “Twitter-in” për 44 miliardë dollarë!
Çfarë do të bëjë Musk me Twitterin?
