Mjeku Ilir Alimehmeti ka treguar për vendimin e parë që do të ndërmarrë nëse fiton Bashkinë e Tiranës në zgjedhjet e ardhshme lokale.
Në një intervistë për emisionin “Frontline”, ai thotë se do të dërgojë institucionet audituese në Bashkinë e Tiranës për të evidentuar çdo parregullsi që janë bërë përgjatë punës së saj.
Mjeku thotë se nëse gjenden parregullsi në Bashkinë e Tiranës, atëherë institucionet ligjzbatuese duhet të veprojnë.
Pyetje: Cila do jetë gjëja e parë nëse do të jeni pasuesi i Erion Veliajt? Vendimarrja e parë që do merrni?
Alimehmeti: Hapja e dyerve, ftesa e organeve, një ndër katër organeve më kompetente të auditimit. Të marrin gjithë ecurinë si ka ecur. Nëse gjejnë situata, të veprohet.
Pyetje: Pra të auditohet gjithçka që ka ndodhur me Bashkinë e Tiranës?
Alimehmeti: Nëse aty ka, siç ne mendojmë se ka. Unë nuk jam as gjykues, as auditues. Duhet të shkojnë institucionet përkatëse të bëjnë punën e tyre. Institucionet duhet të bëjnë punën e tyre institucionale. Ky është hapi i parë.
VAZHDO TË LEXOSH MË TEPËR PËR TEMËN
