Autoritetet ruse kanë kërkuar ekstradimin e Svetlana Timofoeva, e cila u arrestua se bashku me dy shtetas të tjerë, të cilët tentuan që të futen në ish-uzinën e armëve në Gramsh, si dhe sulmuan dy ushtarët shqiptarë që po ruanin uzinën.
Bëhet me dije se në Prokurorinë e Elbasanit ka mbërritur një kërkesë nga Rusia, ku kërkohet ekstradimi i Timofoevës. Kërkesën e ekstradimit të Rusisë do ta shqyrtojë në javët në vijim Gjykata e Elbasanit.
Kujtojmë se dy shtetas rusë, 33-vjeçarja Svetlana Timofoeva, 23-vjeçari Mikhail Zorin dhe ukrainasi Fiodor Mihailoviç, janë arrestuar në muajin gusht pas një incidenti në uzinën ushtarake në Gramsh. Ata sulmuan me spray neuro-paralizues dy ushtarët shqiptarë që ndodheshin në uzinë.
Ndërsa në Poliçan mesditën e 21 gushtit, 4 çekë u kapën nga policia. Dy prej tyre ishin futur brenda tuneleve të fabrikës së armëve. Në dëshminë e tyre, shtetasit e huaj kanë thënë se janë blogerë dhe fotografonin kryesisht territore ushtarake që janë të braktisura dhe nuk përdoreshin më nga shteti.
VAZHDO TË LEXOSH MË TEPËR PËR TEMËN
Rrëfimi i rusit: Si shmanga rojet, hyra në Gjadër dhe Poliçan!
2 rusët dhe ukrainasi erdhën me mision sekret në Shqipëri…
