Pas publikimit të revistës “The Economist” për Erdoganin dhe Turqinë, kësaj radhe revista gjermane Stern doli me një titull agresiv për presidentin turk në kopertinën e saj, duke e quajtur atë “zjarrvënës”.
“Erdogan po lufton pamëshirshëm për të qëndruar në pushtet: në vendin e tij, në Siri dhe madje edhe në Gjermani…”.
Në shkrimin e revistës gjermane për presidentin turk, thuhet në mënyrë karakteristike se “Erdogani për të qëndruar në pushtet është bërë ‘zjarrvënës’ si brenda Turqisë ashtu edhe jashtë saj”, duke parashtruar qëndrimin e tij në rastet e Suedisë dhe Finlandës në lidhje me anëtarësimin e tyre në NATO, Siri dhe Libi, ndërsa posaçërisht përmendet edhe retorika e tij agresive ndaj Greqisë.
“Presidenti turk, kush e di se këto deklarata jehonë brenda vendit. Erdogan ka nevojë për armiq, ai ka nevojë për kaos, për të mbledhur votuesit e tij. Ai është shumë i mirë në luftime. Megjithatë, sado që ai të paraqitet si kryekomandant, nuk ka gjasa që të ketë një konfrontim ushtarak me Greqinë,”- shkruan autori i artikullit.
Megjithatë, Erdoğan karakterizohet nga Stern si një nxitës edhe për Gjermaninë, në të cilën ai përpiqet të sjellë urrejtje kundër kundërshtarëve të tij politikë, gjë që karakterizon fushatën e tij zgjedhore.
Publikimi i “Stern” dhe karakterizimi i ashpër i Erdoganit, shkaktoi reagimin e Ankarasë, përmes Omer Çelikut. Konkretisht, përfaqësuesi i partisë në pushtet në Turqi tha se publikime të tilla “përbëjnë propagandë të zezë”, pasi disa media perëndimore synojnë sistematikisht goditjen e presidentit Erdogan.
"#Erdogan – der Brandstifter. Um sich die Macht zu sichern, schürt der türkische Präsident gefährliche Konflikte – auch in Deutschland". Der neue #stern ist ab Donnerstag am Kiosk erhältlich – und ab sofort auch bei uns im Shop: https://t.co/DxzGH5YMLi pic.twitter.com/moHUnJxwnE
— stern (@sternde) January 25, 2023