Gjykata e Tiranës ka lënë në burg Arlind Gjokutajn dhe dy ish-zyrtarët e tjerë të Ministrisë së Financave, Fatmir Hoxhaj dhe Alban Ruli, të akuzuar pë shpërdorim detyre.
Të tre këta persona dyshohet se i kanë shkaktuar shtetit një dëm prej 1.2 milionë eurosh.
Seanca përfundoi rreth orës 13:00, ndërsa ndaj Gjokutajt u dha masa pa prezencë por me prokurë të posaçme të tij dhe u përfaqësua nga avokatët.
Kujtojmë se më parë raportuam se sekretari i përgjithshëm i Ministrisë së Financave Arlind Gjokutaj nuk u paraqit në seancë, pasi sipas avokatëve të tij, ai ka shfaqur probleme kardiake në izolim, dhe më pas është transportuar në spital.
Hoxhaj mbante postin e drejtorit juridik në MF, ndërkohë Ruli rezulton se është përmbarues, i përfshirë në një skemë abuzimi që dyshohet se i ka shkaktuar shtetit një dëm prej 1.2 mln eurosh.
Ata dyshohet se kanë firmosur dokumentet që kjo shumë t’i kalonte Ilir Thanës, në cilësinë e një ish pronari ndërkohë që ai nuk e kishte një status të tillë. Thana kishte marrë fillimisht një shumë prej 400 mijë eurosh ndërkohë që pjesa tjetër pritej t’i transferohej në muajt në vazhdim.
VAZHDO TË LEXOSH MË TEPËR PËR TEMËN
Dorëhiqet Drejtori i Përgjithshëm i Doganave Arlind Gjokutaj
Arrestimi i Arlind Gjokutaj, Berisha: Ka dy versione, njëri për hakmarrje, tjetri…
U arrestua për shpërdorim detyre, Arlind Gjokutaj probleme me zemrën
