Ministrja e Shëndetësisë, Ogerta Manastirliu, ka shprehur ngushëllimet për ndarjen nga jeta të mjekut të njohur, Isuf Kalo.
Me anë të një statusi në rrjetet sociale, Manastirliu tregon se bisedën e fundit me mjekun e ka pasur në mesin e dhjetorit.
Asokohe, ministrja rrëfen se e kishte ftuar për të marrë pjesë në akreditimin e institucioneve shëndetësore.
Ajo thekson se kontributi i profesor Isul Kalos është i paçmuar për mjekësinë shqiptare, në shërbimin e Endokrinologjisë në QSUT për disa dekada.
“Me hidhërim mësova lajmin e ndarjes nga jeta të prof. Isuf Kalos.
Bisedën e fundit me prof. Kalon e pata në mesin e dhjetorit, kur e ftova për të marrë pjesë në një prej atyre ngjarjeve që për profesorin ishin ”pikë e dobët”, akreditimi i institucioneve shëndetësore. Një proces që kishte pionier prof. Kalon dhe vizionin e tij.
Por kontributi i profesor Isul Kalos është i paçmuar për mjekësinë shqiptare, në shërbimin e Endokrinologjisë në QSUT për disa dekada.
U prehsh në paqe prof. Kalo”, shkruan ministrja.
VAZHDO TË LEXOSH MË TEPËR PËR TEMËN
Një vëzhgim i mprehtë dhe i paanshëm brenda ‘Bllokut’ të dr. Kalos
