Avokati Spartak Ngjela ka folur në lidhje me ngjarjen e bujshme, ku pastruesja Rozeta Dobi dhe djali i saj Havier u arrestuan për grabitjen e rreth 530 mijë euro.
Ishte ish-zyrtarja e Kryeministrisë Alda Klosi që denoncoi grabitjen e 120 mijë eurove. Mirëpo njëherësh kanë nisur edhe hetimet për vetë Klosin se ku i kishte marrë ato para.
Pikërisht për këtë ka folur edhe Ngjela, i cili është shprehur se Klosi është e justifikuar, pasi ajo nuk ka kryer vepër penale duke mos deklaruar paratë. Ngjela tha se Klosi mund të thotë që paratë, 120 mijë euro i ka gjetur në rrugë dhe se nuk është vepër penale.
“Ajo është e justifikuar. Nuk ka vepër penale, është vepër administrative. Ajo mund të thotë lekët i kam gjetur në rrugë. Ligji e thotë qartë, kur i gjen është e jotja. Kur i del pronari është problem.
Ajo ka thënë që po mblidhja lekë për xhaxhain. Ajo mund të nxjerrë 10 dëshmitarë, që të thonë i dhashë unë 5000 mijë, i thashë unë 10 mijë. SPAK merret me korrupsionin dhe krimin e organizuar.
Nëse ky është krim i organizuar atëherë çështja do shkojë në SPAK, përndryshe jo”, deklaroi Ngjela.
VAZHDO TË LEXOSH MË TEPËR PËR TEMËN
Në hetim origjina e parave të Alda Klosit
Dyshohet se ka vjedhur edhe banesa të tjera! Mbi 5 denoncime për 49-vjeçaren
