Kryeministri Albin Kurti ka komentuar marrëdhënien e tij me homologun e Shqipërisë, Edi Rama. Në një intervistë për emisionin “Opinion”, Kurti tha se ka marrëdhënie të mira me Ramën edhe pse ndajnë pikëpamje të ndryshme, duke përmendur çështjen e “Ballkanit të Hapur”. Edhe njëherë, ai bën me dije se sipas tij, Ballkani i Hapur nuk është demokratik dhe europian.
PJESË NGA INTERVISTA:
Pyetje: Është përshtypja ime apo ju dhe Rama nuk duroheni dot reciprokisht?
Albin Kurti: Është përshtypja juaj. Kjo nuk do të thotë që biem dakord për gjithçka. Besoj që dallimi i cili që është i njohur janë raportet me Ballkanin Perëndimor. Unë besoj se Ballkani evropian dhe demokrati është mjaftueshëm i hapur, ndërsa Ballkani i Hapur nuk është mjaftueshëm demokratik dhe Europian.