24.02.2023 - 10:56
Një automjet i parkuar në një lagje në Elbasan është shkrumbuar nga flakët në orët e para të mëngjesit.
Ngjarja ka ndodhur rreth orës 03:00 në lagjen “5 Maji” ku ka rënë zjarr në automjetin tip “Benz” në pronësi të Dritan Turanit.
Flakët kanë përfshirë edhe dy automjete të tjera të parkuara pranë tij.
Nuk dihen ende rrethanat e kësaj ngjarje, ndërkohë grupi hetimor po punon për zbardhjen e plotë të saj.
