MENU
klinika

"Beogradi, dashnore e tradhtuar nga Rusia"

“Kosova ishte Serbi”/ Pendohet presidenti kroat: Më keqkuptuan!

01.02.2023 - 20:35

Presidenti kroat Zoran Millanoviç, është përpjekur sot të sqarojë deklaratën e dhënë prej tij pak ditë më parë, ku tha se Kosova ishte pjesë e Serbisë, por se është aneksuar nga ndërkombëtarët.

Ai tha sot se deklarata e tij është keqkuptuar, duke shtuar se Serbia në njëfarë mënyre duhet ta njoh Kosovën si shtet të pavarur, dhe  se Beogradi duhet ta kuptojë se “romanca serbo-ruse” do të rezultojë në një mashtrim.

Gjatë një konference për media në Zagreb në prezencë të presidentes së re sllovene Natasha Pirc Musar, ai tha se në Serbi “disa gjëra duhet të ndryshojnë” në mënyrë që Serbia të mund të arrijë në Perëndim, aty ku e mirëpresin.

“Situata në Ukrainë është fillimi i fundit të një romance të parashikuar serbo-ruse, ku Serbia do ta kuptojë se është një dashnore e mashtruar. Rusia po tenton diçka me Ukrainën, e shembulli i Kosovës po i duket si gjemb në sy. Rusia do të duhet ta njohë Kosovën në një moment ose të pretendojë se e njeh atë në mënyrë që të legalizojë atë që po bën në Ukrainë. Ky është realiteti”, tha Millanoviç.

 

 

Marrëdhënien mes Rusisë dhe Serbisë ai e quajti si një marrëdhënie pa dashuri, por e bazuar vetëm në interesat e Moskës dhe shërbimet që Beogradi i bën Rusisë.

Presidenti kroat bëri të ditur se Serbia “duhet ta gjejë mënyrën për ta njohur Kosovën”, dhe se politikanët në Kosovë “duhet të formojnë Asociacionin e komunave me shumicë serbe”, pra sipas tij duhet zbatuar gjithçka që është nënshkruar.

VAZHDO TË LEXOSH MË TEPËR PËR TEMËN


Shërbim në ushtri të huaj

Serbë dhe kroatë në luftën e Ukrainës