Tre persona janë shoqëruar nga policia menjëherë pas përfundimit të protestës së thirrur nga opozita e cila u mbajt para ambienteve të Kuvendit.
Të shoqëruarit, dyshohet se kanë qenë pjesë e personave që tentuan të çajnë kordonin e policisë.
Gjatë protestës së mbajtur ditën e sotme nuk munguan tensionet mes protestuesve dhe policisë.
Protestuesit qëlluan me shashka, molotov dhe tymuese drejt punonjësve të policisë, në momentin që turmës iu bashkuan r deputetët e Partisë Demokratike të cilët nuk mundën të hyjnë në sallë për shkak se janë të përjashtuar.
Të paktën një efektiv i policisë së shtetit u raportua se mbeti i plagosur nga kapsollat dhe shashkat e hedhura në drejtim të tyre.