Aktorja e njohur amerikane Reese Witherspoon i ka dhënë fund martesës 12-vjeçare.
Fituesja e Oskar-it dhe bashkëshorti i saj Jim Toth po i japin fund martesës së tyre, të cilën e njoftuan në një deklaratë të përbashkët ditën e djeshme.
“Ne kemi disa lajme personale për të ndarë… Me shumë kujdes dhe konsideratë kemi marrë vendimin e vështirë për t’u divorcuar,” thanë ata. “Kemi shijuar kaq shumë vite të mrekullueshme së bashku dhe po ecim përpara me dashuri të thellë, mirësi dhe respekt të ndërsjellë për gjithçka që kemi krijuar së bashku.”
“Prioriteti ynë më i madh është djali ynë dhe e gjithë familja jonë ndërsa ne kalojmë në një kapitull tjetër”, shtuan ata. “Këto çështje nuk janë kurrë të lehta dhe janë jashtëzakonisht personale. Ne vërtet vlerësojmë respektin e të gjithëve për privatësinë e familjes sonë në këtë kohë.”
Witherspoon dhe Toth njoftuan fejesën e tyre në dhjetor të vitit 2010, dhe u martuan në mars të 2011-ës. Ata kanë djalin 10-vjeçar Tennessee James dhe Witherspoon ndan gjithashtu dy fëmijë me bashkëshortin e parë, Ryan Phillippe: vajza Ava, 23 vjeç dhe djali Deacon, 19 vjeç.
