Deputeti Enkelejd Alibeaj ka ankimuar në KAS regjistrimin e koalicionit “Bashkë Fitojmë”. Në kërkesën e dorëzuar ditën e sotme, shkruhet se është ankimuar regjistrimin i koalicionit “Bashkë Fitojmë”. Gjithashtu, aty theksohet se Komisioni i Rithemelimit nuk mund të nxjerrë kandidatë në 14 maj.
Në kërkesën e paraqitur nga përfaqësuesi ligjor, Indrit Sefa, thuhet se marrëveshjes i mungon elementi për përcaktimin e kandidatëve nga secila parti politike.
“Në kushtet kur subjekti politik “Komisioni i Përkohshëm i Themelimit” është përjashtuar nga marrëveshja, mbetet e paqartë se cila parti politike do të propozojë kandidatët e koalicionit”, shkruhet në kërkesë.
Kujtojmë se Berisha krijoi koalicion për zgjedhjet e 14 majit me Ilir Metën, Vangjel Dulen dhe Nard Ndokën. Koalicioni ‘Bashkë Fitojmë’, i jep mundësi demokratëve që të bëhen pjesë e zgjedhjeve lokale dhe kandidatët e përzgjedhur nga Primaret, të garojnë me siglën e koalicionit.
VAZHDO TË LEXOSH MË TEPËR PËR TEMËN
A ka Berisha një plan B për regjistrim në zgjedhjet e 14 majit?
