Mjeku Ilir Alimehmeti thotë se qeveria nuk ka bërë asnjë reflektim për të parandaluar largimin e mjekëve nga Shqipëria.
I ftuar në emisionin “Open”, Alimehmeti renditi disa nga arsyet që sipas tij, detyrojnë mjekët që të largohen.
Ai shtoi se mjekët e rinj blejnë edhe mjetet e punës vetë pasi nuk ua siguron shteti.
Alimehmeti: Ky është një problem shumë i rëndë. Kemi 10 vjet që e kemi këtë problem, mjekët ikin për arsye të shumta. Nga institucionet nuk janë pyetur ndonjëherë pse ikin apo pse rrinë, për të rregulluar diçka. Në këtë tetor janë studentët e mjekësisë me organizmin e tyre që kanë bërë një anketim, dhe ka rezultuar se 92.5% duan të ikin. Nuk ka pasur asnjë reflektim në këtë drejtim.
Arsyet, së pari pagesa, mundësitë e avancimit në karrierë, specializimet afatgjata që janë hapur por janë pa pagesë, dhe e treta është siguria. Kjo është mundësia që u ofrojmë ne të rinjve. Po të dalësh dhe të bësh një anketim, se kush e ka blerë këmishën apo stetoskopin?
Do thonë vetë. Kur vjen puna që mjeti që punon mjeku është i blerë nga vetë ai, e kuptoni se për çfarë po flasim. Dhe ndaj të gjitha këtyre është vendosur të bëhet asgjë.
VAZHDO TË LEXOSH MË TEPËR PËR TEMËN
Largimet masive/ 78% e mjekëve kërkojnë të largohen nga vëndi
Ministria zbulon si të ndalojë mjekët të emigrojnë në Gjermani
Edhe Kosova mund t’i ‘rrëmbejë’ mjekët Shqipërisë
