04.03.2023 - 16:58
Një 55 vjeçar është arrestuar nga Policia e Lushnjes, pasi dyshohet se ka ngacmuar seksualisht një të mitur. Mësohet se në pranga ka rënë shtetasi L. K., 55 vjeç, banues në Lushnjë. Kanë qenë familjartë e të miturës të cilët kanë denoncuar 55 vjeçarin.
“Po nga këta specialistë u arrestua në flagrancë shtetasi L. K., 55 vjeç, banues në Lushnjë, pasi dyshohet se ka ngacmuar seksualisht, një shtetas të mitur”, thuhet në njoftimin e policisë. Materialet procedurale i kaluan Prokurorisë, për veprime të mëtejshme.
