Arbër Paplekaj, i akuzuar për vrasjen e Pjerin Xhuvanit në 21 prill të vitit 2021, ka mbërritur sërish sot në gjykatën e Elbasanit për seancën e radhës.
Gjyqi sot ka nisur që në orën 09.30, ku pritet që të merren të pyetje të gjithë dëshmitarë e lidhur me ngjarjen e rëndë të vrasjes së Xhuvanit vetëm 4 ditë para zgjedhjeve parlamentare të vitit 2021. Por megjithatë nuk ka një listë publike se kush do të intervistohet në seancën e sotme.
Ndërkohë që në të kaluarën, gjykata rrëzoi kërkesën e prokurorisë së Elbasanit për thirrjen e deputetit të Partisë Demokratike, Gazment Bardhi për të dhënë dëshminë e tij, pasi ka qenë i pranishëm në vendin e ngjarjes në momentin kur ndodhi vrasja.
Më 21 prill 2021, 4 ditë para zgjedhjeve parlamentare të 25 prillit, në Elbasan u vra Pjerin Xhuvani, përkrahës i Partisë Socialiste. Paplekaj ishte pjesë e një “SMV”, strukture për Mbrojtjen e Votës e ngritur në Elbasan nga PD. Pas një sherri verbal pasi SMV dyshonte se Xhuvani ishte pjesë e një grupi që blinin vota, ndodhi vrasja ku mbeti i pajetë Xhuvani dhe u plagosën 4 persona të tjerë.
Të plagosurit ishin Paulo Vuksani, Emiljano Prenga, Eltjon Bodinaku dhe Xhensila Sota. Nga dita e arrestimit deri më sot në pranga është ish-oficeri i RENEA-s, Arbër Paplekaj i cili akuzohet se qëlloi për vdekje Xhuvanin dhe dhëndrin e tij, Eltjon Bodinakun. Nuk dihet ende kush qëlloi ndaj Emiljano Prengës dhe Paulo Vuksanit, të dy ish-policë. Paplekaj, një ish efektiv i RENEA u vetëdorëzua dhe pranoi krimin duke thënë se e kishte bërë goditjen pasi ishte qëlluar më parë me armë zjarri.
VAZHDO TË LEXOSH MË TEPËR PËR TEMËN
Mbërrijnë në gjykatë Arbër Paplekaj!
27 të shoqëruar për vrasjen e Pjerin Xhuvanit
Detaje mbi vrasjen e Pjerin Xhuvanit: Viktima bënte…
