3 raste të paligjshmërisë në kufi janë goditur nga policia në Portin e Durrës, teksa ka nisur hetimi në gjendje të lirë për 3 persona.
M.S., 60 vjeç nga Maqedonia e Veriut tentoi të hynte në vendin tonë me 18 900 euro të padeklaruara. R.K., 54 vjec, banues në Shkodër, iu gjetën 80 litra vaj pa faturën përkatëse në automjetin e tij. U.N., 29 vjeç banues në Kosovë, në dalje paraqiti në sportel pasaportën dhe kartën e identitetit me të dhënat e një shtetasi tjetër kosovar. Të tre këta persona janë proceduar.
‘-M. S., 60 vjeç, shtetas nga Maqedonia e Veriut, pasi gjatë kontrollit në hyrje, i janë gjetur 18 900 euro, që nuk i kishte deklaruar në kufi;
-R. K., 54 vjeç, banues në Shkodër, pasi gjatë kontrollit në automjetin e tij, u gjetën 80 litra vaj dhe dhjetëra shishe me verë, pa faturat përkatëse;
U. N., 29 vjeç, banues në Kosovë, pasi në dalje, ka paraqitur në sportel, pasaportë dhe kartë ID me të dhënat e një shtetasi tjetër kosovar.’, thuhet në njoftimin e policisë.
Ndërkohë një shtetas është kapur dhe ndaluar nga policia kufitare në Portin e Durrësit. S.G., 32 vjeç, banues në Korçë ishte shpallur në kërkim pasi Gjykata e Tiranës i kishte caktuar masën e sigurisë ‘Arrest në burg’ për vjedhje.
‘Gjithashtu, u kap dhe u ndalua shtetasi S. G., 32 vjeç, banues në Korçë, pasi nga verifikimet e kryera rezultoi se ishte shpallur në kërkim sepse Gjykata e Tiranës i ka caktuar masën e sigurisë “Arrest në burg’, për veprën penale “Vjedhja”.’, vijon më tej njofimi i policisë.
Materialet proceduriale i janë kaluar Prokurorisë.
