06.04.2023 - 13:08
Një 37-vjeçare e cila rezultonte në kërkim është vënë në prangat e policisë së Durrësit.
Burime zyrtare bëjnë të ditur se ajo dyshohet se gjatë kohës që punonte në një bankë në qytetin bregdetar u ka vjedhur klientëve shumta të ndryshme parash.
“Strukturat hetimore të DVP Durrës ndaluan shtetasen e shpallur në kërkim B. B., 37 vjeçe, banuese në Durrës, të cilës Gjykata e Rrethit Gjyqësor Durrës i ka caktuar masën e sigurisë “Arrest në burg”, për veprën penale “Vjedhja duke shpërdoruar detyrën”, pasi dyshohet se në subjektin privat (bankë) ku kjo shtetase punonte, u ka vjedhur shuma të ndryshme parash, klientëve të këtij subjekti”, thuhet në njoftimin e policisë së Durrësit
