Kryetari i Partisë Popullore (PP) serbe, Vuk Jeremiç ka deklaruar se presidenti Aleksandër Vuçiç, u përpoq të dilte mbi popullin dhe të vendosë në emër të popullit për çështjet më të rëndësishme shtetërore, siç është integriteti territorial i vendit dhe e ardhmja e Serbisë.
“Referendumi për refuzimin e planit “franko-gjerman” për pavarësinë e Kosovës është e vetmja mënyrë për të parandaluar atë që Vuçiçi u pajtua verbalisht në Bruksel dhe Ohër, që është një plan që e ndan Kosovën në mënyrë të përhershme dhe të pakthyeshme nga Serbia”, ka thënë Jeremiç.
Sipas kundërshtarit opozitar të Vuçiç, rezultatet e para negative të zbatimit të marrëveshjes tashmë janë të dukshme.
“Drejtori i Zyrës për Kosovën, Petar Petkoviç, është pajtuar me tekstin e deklaratës ku ceket se personat e zhdukur kanë qenë të zhdukur me dhunë gjatë luftës së vitit 1999. Kjo është pasoja e parë direkte e zbatimit të marrëveshjes “franko-gjermane”.
Ky tekst lejon kërkesat për padi, sipas të cilave Serbia do të paguajë Kosovës dëmshpërblim në vlerë astronomike prej qindra milionë eurosh, ndoshta edhe miliarda”, është shprehur Vuk Jeremiç.
VAZHDO TË LEXOSH MË TEPËR PËR TEMËN
