Italia është shteti tjetër evropian që po përballet me një mungesë të madhe të fuqisë punëtore. Këtij vendi i mungojnë gjithsej rreth 1 milion punëtorë, të ndarë në sektorë të ndryshëm ekonomikë, njoftoi sot ministrja e Punës dhe Politikave Sociale, Maria Elvira Calderone.
“Problemi kryesor është se gjithnjë e më shumë njerëz po largohen nga tregu i punës për shkak të moshës së tyre. Është e vështirë t’i plotësosh këto vende pune me punonjës të rinj”, tha Calderone në Romë.
Sipas saj, qeveria po punonte për të siguruar që kompanitë të kenë një fuqi punëtore të trajnuar për të përballuar sfidat e së sotmes dhe së nesërmes. Kjo është kryesisht e vërtetë për transformimin mjedisor dhe dixhital në botën e punës.
Calderone theksoi se qëllimi më i rëndësishëm është që “çdo qytetar italian” të futet në punë, transmeton dpa. Sipas “Assoturismo Confesercenti”, shoqata e industrisë së turizmit në Itali, ky sektor po goditet veçanërisht rëndë nga mungesa e stafit.
Industria e turizmit po ankohet gjithashtu për mungesën e aplikantëve, si dhe të stafit të kualifikuar.
“Në sektorin bujqësor italian nevojiten të paktën 100 000 punëtorë gjatë muajve të verës dhe sezonit të korrjes”, tha shoqata bujqësore “Coldiretti”.
“Traktoristët, kultivuesit, prerëset e pemëve dhe mbledhësit e frutave, perimeve dhe vjelësit e rrushit nevojiten urgjentisht”, tha “Coldiretti”.
Gjithashtu, në sektorin dixhital nevojiten punonjës të kualifikuar, si teknikë bujqësorë që mund të kontrollojnë dronët, të lexojnë të dhënat e motit dhe të përdorin mjetet e IT-së.
VAZHDO TË LEXOSH MË TEPËR PËR TEMËN
A i ka ardhur fundi punës në zyrë?
A do e shpëtojë Greqinë “Greqia 2.0”?
