Emigrantët shqiptarë të cilët për vite me radhë kanë shpenzuar para për të blerë shtëpi në vendin e tyre, prej gati dy vitesh kanë nisur t’i shesin ato.
Pas pandemisë shumica e tyre kërkojnë t’i shesin pronat një trend që vihet re edhe në tregun imobiliar të Korçës. Qyteti me profil turistik konsiderohet i favorshëm sa i takon çmimit të blerjes për metër katror dhe kërkesat nuk mungojnë ndërsa ajo që e favorizon edhe më tepër është interesi për apartamente me qira.
Nga njëra anë janë familjet që kërkojnë apartamente me qira për të jetuar dhe nga ana tjetër ato kërkohen edhe për pushuesit që zgjedhin Korçën si destinacion turistik.
Përveç banorëve të Korçës interes për blerjen e pronave në këtë qytet kanë edhe të huajt apo persona nga qytete të tjera të Shqipërisë, të cilët blenë shtëpi pushimi apo në disa raste edhe investojnë për ndërtimin e strukturave akomoduese.
VAZHDO TË LEXOSH MË TEPËR PËR TEMËN
“Sektori i pasurive të paluajtshme në Kinë sjell rreziqe për SHBA”
“The Economist”: Tregu i banesave, po gërryhet!
“Project Syndicate”: Tragjedia e Liz Truss
