Presidenti i Serbisë Aleksandër Vuçiç ka deklaruar se zgjedhjet në veri të Kosovës do të shënojnë një ditë të tmerrshme për demokracinë, si dhe një ditë e vështirë për popullin serb.
Në një intervistë të dhënë mbrëmjen e shkuar për mediat vendase, Vuçiç u shpreh se jo ditë do të jetë turp i botës dhe demokracisë.
“Të dielën në veri të Kosovës do të jetë një ditë e tmerrshme për demokracinë dhe një ditë e vështirë për popullin serb, ditë në të cilën zyrtarisht do të shënohet turpi i Evropës dhe i botës për atë që organizuan”, tha Vuçiç.
Sipas tij, serbët u larguan nga institucionet e Kosovës në nëntor të vitit të kaluar jo për kapriçon e tyre.
“Ne kemi dhjetë vjet që marrim pjesë në zgjedhje dhe ju nuk e keni formuar Asociacionin. Do të jem shumë i hapur, ky është një turp për vendet e Quintpit. Do të bëjnë zgjedhje dhe do t’i pranojnë…”, tha presidenti i Serbisë.
Ai shtoi se në këto zgjedhje nuk do të ketë asnjë kandidat serb, pasi pas Listës Serbe, sot është tërhequr nga gara edhe një tjetër parti, “Partia e Serbëve të Kosovës”.
“Janë kandidatët e Albin Kurtit dhe Hashim Thaçit, të cilët do të tërheqin votuesit që të arrijnë diku mbi katër për qind. Turp për të gjithë ata, gjithë vendet e Quint-it, gjithë ata gënjeshtarë!”, tha Vuçic.
VAZHDO TË LEXOSH MË TEPËR PËR TEMËN
‘Blindohet’ Kosova para zgjedhjeve në Veri
Barrikadat në veri/ Pantoviç: Serbët detyroheshin të dilnin
