Mediat në Greqi raportojnë se për arrestimin e kandidatit të koalicionit “Bashkë Fitojmë” për bashkinë e Himarës, Fredi Beleri është vënë në dijeni edhe kryeministri grek, Kyriakos Mitsotakis.
Referuar burimeve diplomatike, Protothema raporton se Nikos Dendias ka kontaktuar me kryeministrin e Shqipërisë Edi Rama në lidhje me arrestimin e Belerit dhe te dy personave të tjerë.
Ndërkohë më herët, Dendias kishte vënë në dijeni për këtë çështje kryeministrin grek Kyriakos Mitsotakis.
Më herët, ambasadorja greke Kostantina Kamitsi ka shkuar në ministrinë e Jashtme shqiptare, ku kishte kërkuar takim me ministren Olta Xhaçka, por është pritur nga një prej drejtorëve në këtë institucion.
Ajo ka qëndruar për disa minuta në ministri dhe ka shprehur shqetësimin e palës greke në lidhje me arrestimin e Fredi Belerit.
VAZHDO TË LEXOSH MË TEPËR PËR TEMËN
Arrestimi i Fredi Belerit, reagimi nga Athina zyrtare
Arrestimi i Fredi Belerit, reagon kryeministri Rama
