Në një tjetër zhvillim ogurzi për Rexhep Tajip Erdogan, aleanca e majtë kurde që përfshin gjithashtu Partinë Demokratike Popullore pro-kurde (HDP) u ka bërë thirrje ndjekësve të saj të votojnë për kundërshtarin e presidentit turk në zgjedhjet presidenciale të muajit të ardhshëm, që pritet të jenë zgjedhjet më të vështira për Erdoganin në 20 vitet e qeverisjes së tij në Turqi.
Kandidati i opozitës, Kemal Kilicdaroglu mbështetet nga një koalicion i gjerë nga i gjithë spektri politik.
“Në këtë fazë vendimtare në politikën turke, ne jemi bërë bashkë për të përmbushur detyrën tonë historike, si pjesë e traditës sonë dhe si pjesë e borxhit tonë ndaj brezave të ardhshëm” përpara “zgjedhjeve historike” më 14 maj”, tha ai në një deklaratë të aleancës së majtë kurde.
“Në këtë kontekst, ne ndajmë me publikun vendimin tonë për të mbështetur Kemal Kilicdaroglu në zgjedhjet presidenciale”, shtoi ai.
Vota e kurdëve, e cila përbën rreth një të pestën e popullsisë prej 85 milionë banorësh të Turqisë, pritet të jetë një faktor vendimtar në garën presidenciale pasi Erdogan dhe Kilicdaroglu. Partia e majtë HDP është forca politike më e madhe pro-kurde, duke marrë rreth dy të tretat e votave kurde, tha së fundmi kreu i partisë Selahattin Demirtas për POLITICO, i cili po vuan dënimin me burg nën akuzën e terrorizmit.
Inflacioni në rritje i Turqisë dhe kritikat në rritje ndaj reagimit të qeverisë ndaj tërmetit shkatërrues që vrau dhjetëra mijëra njerëz në shkurt, kanë rritur ndjeshëm shanset e Kilicdaroglu për të rrëzuar Erdoganin.
Në skenën e pasigurisë për Erdoganin me ekonominë turke në rënie, opozita e bashkuar dhe të rinjtë që po i kthejnë shpinën, i shtohet edhe hezitimi i grave konservatore, zakonisht shtyllat e bazës së tij elektorale për ta mbështetur atë.
VAZHDO TË LEXOSH MË TEPËR PËR TEMËN
A do të shënojnë zgjedhjet në Turqi fundin e Erdogan?
