Ditën e sotme, i dërguari i SHBA-së për Ballkanin Perëndimor, Gabriel Escobar, pritet që të raportojë në Shtëpinë e Bardhë për procesin e deskalimit të situatës në veri të Kosovës.
Sipas Escobar në bazë të raportit që do të dorëzojë në Shtëpinë e Bardhë do të merren disa vendime lidhur me çështjen Kosovë-Serbi. Ndër të tjera ai tha se situata në very të Kosovës duhet të shtensionohet menjëherë dhe ai nuk do që të presë deri në muajin korrik për zgjedhjet e reja.
Ai përsëriti se formimi i Asociacionit të komunave me shumicë serbe është “kërkesë ligjore” për Qeverinë e Kosovës dhe se “nëse Kosova dëshiron të ecë përpara me integrimin e saj, ajo duhet ta formojë Asociacionin”.
“Pas kësaj vizite, ne do të pyetemi nga Shtëpia e Bardhë, të premten, për t’ua dhënë një përditësim mbi atë që po ndodh. Dhe unë duhet të raportoj nëse ka ndonjë progres apo jo. Miroslav Lajçak duhet të raportojë te Josep Borrell, rreth situatës. Nuk është një afat, por një hap tjetër për mua dhe në bazë të raportit tim do të marrim disa vendime dhe do të ecim përpara”, tha ai.
VAZHDO TË LEXOSH MË TEPËR PËR TEMËN
“Ndëshkimi i grupeve kriminale, rruga e vetme për stabilitet!”
“Escobar dhe Lajçak po vijnë tek ne me kërkesat e Serbisë”
Agjenda e takimit Kurti-Vuçiç në Ohër, i pranishëm edhe Escobar
