Kryeministri i Kosovës Albin Kurti, ka thënë se pas disa muajve mund të zhvillohen zgjedhje të parakohshme në Veri.
Kurti ka folur në një intervistë për France 24, duke thënë se pas disa muajve mund të kemi zgjedhje të parakohshme, por qëllimi është sundimi i ligjit.
Ai ka thënë se zgjedhjet do të zhvillohen vetëm nëse do të shpërndahen protestuesit në Veri.
“Pas disa muajve mund të kemi zgjedhje të parakohshme, por ky nuk është qëllimi. Qëllimi është sundimi i ligjit. Duhet së pari të heqim bandat e dhunshme dhe vetëm atëherë mund të kemi zgjedhje”, u shpreh Albin Kurti.
Ndërkohë, i deleguari i SHBA për Ballkanin Perëndimor, Gabriel Escobar ka thënë ditën e sotme se zgjedhjet e parakohshme në komunat e Veriut duhet të zhvillohen deri në fund të muajit korrik.
Më herët, kryeministrit të Kosovës i janë paraqitur 3 kërkesa nga Perëndimi që përfshijnë : Rikthimin në dialogun Prishtinë-Beograd, zgjedhjet e reja të parakohshme dhe uljen e tensioneve në Veri.
VAZHDO TË LEXOSH MË TEPËR PËR TEMËN
“Së pari të ndalet dhuna dhe të zbatohet marrëveshja bazike”
