Aplikacionet muzikore na kanë tërhequr edhe më shumë vëmendjen vitet e fundit, duke qenë se na japin mundësinë të dëgjojmë në çdo moment listat tona të preferuara për luajtje, të dëgjojmë të parët publikimet e reja të muzikantëve që na pëlqejnë, por edhe të na ofrojnë një argëtim më të gjerë. Spotify, Apple Music dhe Amazon Music janë sigurisht dominuese në këtë fushë dhe nëse përdorni ndonjë nga aplikacionet e mësipërme, ndryshimi i ri në Spotify ndoshta ju intereson.
Spotify planifikon të shtojë një opsion më të shtrenjtë abonimi që do të përfshijë “audio me besnikëri të lartë”, një sistem të ashtuquajtur “HiFi”, sipas Bloomberg. Opsioni i ri i abonimit i Spotify, i quajtur ‘Supremium’, do të ofrojë shërbimin HiFi, një tingull premium për abonentët që janë të gatshëm të paguajnë më shumë. Ky opsion do të shtohet më vonë këtë vit.
Duhet të theksohet se Apple Music dhe Amazon Music tashmë ofrojnë HiFi falas si pjesë e planeve të tyre standarde të abonimit.
Pse Spotify dëshiron të rrisë abonimin e tij
Bloomberg gjithashtu raporton se Spotify po konsideron shtimin e aksesit të librave audio në nivelin e tij aktual Premium në SHBA nga tetori dhe ndoshta më herët në tregje të tjera. Spotify tashmë ofron libra audio, por ata aktualisht shiten individualisht. Çmimi i një abonimi të vetëm në nivelin aktual premium të Spotify ka mbetur në 9,99 dollarë në SHBA.
Në të kundërt, në Apple dhe Amazon abonimet e tyre fillojnë nga 10,99 dollarë.
Në janar, CEO i Spotify, Daniel Ek tha se kompania do të pushonte nga puna rreth 600 punëtorë (6% e fuqisë së saj punëtore) për të “lehtësuar mjedisin e vështirë ekonomik”. Në prill ai tregoi se do të rriste çmimet “kur të vijë ajo kohë”.
VAZHDO TË LEXOSH MË TEPËR PËR TEMËN
