I dërguari i Shteteve të Bashkuara për bisedimet Kosovë-Serbi, Gabriel Escobar ka thënë se Josep Borrell dhe Miroslav Lajçak kanë paraqitur tre hapa të thjeshtë për deeskalimin në Veri. Teksa ka folur për tensionet në veri të Kosovës, Escobar në një intervistë për Televizionin e Kroacisë (HRT), ka thënë se hapi i parë që duhet kryer është të largohen njerëzit nga rruga.
“Hapi i parë është largimi i njerëzve nga rruga. Kryetari i mbetur i komunës nuk duhet të dalë në zyrë për të krijuar shpërqendrim”- tha diplomati në një intervistë për Televizionin e Kroacisë (HRT).
“Na duhen zgjedhje të reja me pjesëmarrje të pakushtëzuar të serbëve. Ne kemi nevojë edhe për një afat kohor që pala serbe ta zbatojë pjesën e saj dhe një draft statut për Asociacionin e komunave me shumicë serbe në Kosovë. Bëhet fjalë për barazi, barazi dhe përfitime për të dyja palët” theksoi ai.
“Nëse këto dy palë nuk e pranojnë planin e BE’së për qetësimin e konfliktit mund të ketë një krizë edhe më të madhe” ka thënë Escobar.
“Në Ohër bëhej fjalë për një marrëveshje normalizimi për të krijuar kushte paqësore mes dy fqinjëve armiqësorë sipas rregullave evropiane. Jo vetëm që normalizuan marrëdhëniet e tyre, por u harmonizuan edhe me BE-në. Duhet t’i rikthehemi asaj” ka shtuar Escobar.
Diplomati amerikan ka theksuar se marrëveshja krijon kushtet e duhura për thellimin e integrimit evropian.
“Ndërkohë u zhvilluan një sërë veprimesh destabilizuese. Kjo na shpërqendroi nga implementimi i asaj marrëveshjeje. Ne duhet t’i kthehemi asaj”, tha i dërguari special i SHBA-së për Ballkanin Perëndimor, Gabriel Escobar.
VAZHDO TË LEXOSH MË TEPËR PËR TEMËN
“Refuzimi i planit europian për shtensionimin, humbje e Albin Kurtit”
“Ndëshkimi i grupeve kriminale, rruga e vetme për stabilitet!”
Albin Kurti i gatshëm për zgjedhje të reja në veri
