Ministrja e Arsimit, Evis Kushi ka pritur ditën e sotme në një takim, zëvendësministren e Arsimit të Turqisë, znj. Celile Eren Ökten, për të diskutuar lidhur me ecurinë e marrëveshjeve të përbashkëta në fushën e arsimit, si dhe angazhimin për forcimin e mëtejshëm të bashkëpunimit mes dy institucioneve.
Përmes një postimi në Facebook, Kushi falenderon delegacionin turk për kontributin e dhënë në Shqipëri dhe mbështetjen e vazhdueshme në projektet e politikat arsimore.
Postimi i ministres Kushi:
Prita në MAS 🤝 Zëvendësministren e Arsimit të Turqisë 🇹🇷 znj. Celile Eren Ökten, së bashku me kryetarin e Fondacionit Maarif z. Birol Akgün dhe Ambasadorin e Turqisë në Shqipëri z. Tayyar Kağan Atay.
Diskutuam mbi ecurinë e 🤝 marrëveshjeve të përbashkëta në fushën e ✍️ arsimit, si dhe u angazhuam për forcimin e mëtejshëm të bashkëpunimit mes institucioneve tona.
🙏 I falënderova për kontributin e dhënë në Shqipëri, si dhe mbështetjen e vazhdueshme në projektet e politikat tona arsimore.
🇦🇱🤝🇹🇷
