Pas dështimit të takimit me Albin Kurti, kryeministri Edi Rama është larguar nga Prishtina.
May be an image of 1 person, suit and the Oval Office
Kreu i qeverisë shqiptare publikoi foton nga Kosova dhe tregoi lëvizjen e radhës.
Rama shkroi se destinacioni është Sarajevës për ditën e dytë të takimeve në rajon, në kuadër turit ballkanik.
“MIRËMËNGJES dhe me një përshëndetje për krejt Kosovën, vazhdojmë drejt Sarajevës për ditën e dytë të takimeve në rajon“, shkroi Rama.
Me turin e ndërmarrë në 5 vendet e Ballkanit Perëndimor, kreu i qeverisë bëri ndalesën e radhës në Prishtinë ku kishte planifikuar një takim me kryeministrin e Kosovës, Albin Kurti.
Por ky i fundit i vendosi kusht, duke thënë se nuk do të bënte takim kokë më kokë me kryeministrin Edi Rama nëse nuk mbahej mbledhja e dy qeverive e anuluar në 14 Qershor në Gjakovë.
Pas Shkupit ku u prit nga homolgu maqedonas, Rama udhëtoi drejt Prishtinës ku takoi Presidenten Vjosa Osmani dhe kryetarin e kuvendit Glauk Konjufca.
Përpara nisjes së vizitave Rama bëri lëvizjen e fundit për të përmbushur kushtin që Albin Kurtit i vendosi një ditë më parë, dorëzimin në ministrinë e jashtme në Kosovë të 13 marrëveshjet e mbledhjes së dy qeverive të firmosura nga ana jonë.
Por as ky veprim nuk bindi Albin Kurtin për një takim me Edi Ramës. Pritësja e tij ishte Vjosa Osmani, por qëllimi i Ramës në Prishtinë ishte edhe takimi me kryeministrin Albin Kurti.
VAZHDO TË LEXOSH MË TEPËR PËR TEMËN
