“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: A duhet pirë ibuprofeni me stomakun bosh?
Mjeku: Ibuprofeni është një shpëtim për pothuajse çdo sëmundje të zakonshme, nga dhimbja e shpinës deri te dhimbjet e menstruacioneve dhe artriti.
Ekspertët japin këshilla për mënyrën më të mirë për të marrë ibuprofen.
Ata shprehen se ju mund të hani dhe pini normalisht ndërsa merrni çdo lloj ibuprofeni. Duke theksuar se është më mirë se është më mirë të merrni ibuprofen pas vaktit në mënyrë që të mos të keni probleme me stomakun.
Efektet anësore të ibuprofenit mund të përfshijnë urth, ulçerë, nauze dhe të vjella, gjakderdhje, diarre, ngërçe dhe fryrje.
Sipas Healthline, këto simptoma janë më të zakonshme tek njerëzit mbi 65 vjeç, njerëzit me një histori të urthit ose përdorimit të alkoolit.
Tabletat, kapsulat, ose ibuprofeni i lëngshëm duhet të merren me një pije me ujë, qumësht ose lëng, thonë mjekët, si dhe me një vakt ose meze të lehtë.
Megjithatë, nëse sapo keni ngrënë diçka të rëndë, mund të duhet më shumë kohë që ibuprofen të fillojë të veprojë.
Nëse merrni një tabletë që shkrihet në gojë, nuk keni nevojë të pini ujë.
Sa kohë duhet të funksionojë ibuprofeni?
Ibuprofenit zakonisht i duhen 20 deri në 30 minuta për të filluar punën.
Kur duhet të marr ibuprofen?
Ibuprofeni redukton inflamacionin në trup dhe bie në kategorinë e barnave anti-inflamatore jo-steroide. Inflamacioni ndodh për një sërë arsyesh: mund të jetë një shenjë infeksioni ose është reagimi i trupit ndaj dëmtimit. Mund të merret për të lehtësuar artritin, dhimbjet e menstruacioneve, dhimbjen e shpinës ose dhimbjen e dhëmbit.
Ilaçi gjithashtu mund të lehtësojë ënjtjen e shkaktuar nga ndrydhjet dhe tendosjet – megjithëse ekspertët thonë që të përpiqeni të prisni të paktën 48 orë për të shmangur ngadalësimin e procesit të shërimit.
Mbani parasysh:
Nëse jeni duke marrë tableta, kapsula, ose lëngje, merrni dozën më të ulët për të kontrolluar dhimbjen tuaj për kohën më të shkurtër të mundshme.
Mos e merrni për më shumë se 10 ditë (ose 3 ditë nëse jeni nën 18 vjeç) nëse nuk keni folur me mjekun tuaj.
Mos e përdorni xhel, shkumë ose sprej për më shumë se dy javë pa folur me mjekun tuaj.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
6 veprimet që bëjmë gabim pas palestrës
9 arsye bindëse për të pirë vaj ulliri me stomak bosh
A mund të pihen bashkë paracetamoli dhe ibuprofeni?
