Ministria e Krizave Klimatike dhe e Mbrojtjes Civile ka ngritur alarmin në Greqi për 11 zona të rrezikuara nga zjarret. Sipas autoriteteve greke, zonat më të rrezikuara janë: Atikë, Kythira, Boeotia, Argolis, Korinthia, Messinia, Focida, Achaia, Laconia, Chania dhe Rethymnon.
Sekretariati i Përgjithshëm i Mbrojtjes Civile në Ministrinë e Krizave Klimatike dhe Mbrojtjes Civile ka njoftuar organet kompetente qeveritare të përfshira në shërbim, si dhe qarqet dhe bashkitë e qarqeve të mësipërme, që të jenë në gatishmëri të shtuar për mbrojtjen.
Njëkohësisht, Sekretariati i Përgjithshëm i Mbrojtjes Civile rekomandon qytetarët që të jenë veçanërisht të kujdesshëm dhe të shmangin veprimet që mund të shkaktojnë zjarr nga pakujdesia, si djegia e barit dhe degëve të thata apo pastrimi i mbetjeve e përdorimi i makinerive që mund të shkaktojnë shkëndija.
VAZHDO TË LEXOSH MË TEPËR PËR TEMËN
“Makth i zjarrtë” në Greqi
