Tre persona janë ndaluar nga Policia e Shtetit për zjarrvëenie të qëllimshme ndërsa zjarri i shkaktuar prej tyre ka marrë përmasa të mëdha në qarkun e Vlorës.
Ministri i Brendshëm Taulant Balla ka bërë të ditur se ka urdhëruar Policinë që të shtojë kontrollet në territor me qëllim parandalimin e fenomenit të zjarrvënies, teksa priten rritje të temperaturave në tre ditët në vijim. Balla iu bën sërish thirrje institucioneve të drejtësisë që të zbatojnë ligjin.
“Tre zjarrvënës janë ndaluar nga Policia e Shtetit, ndërsa zjarri i shkaktuar prej tyre ka marrë përmasa të mëdha në qarkun Vlorë. Kam udhëzuar Policinë e Shtetit që të rrisë kontrollin në territor me qëllim parandalimin e fenomenit të zjarrvënies, kur priten rritje të temperaturave në tre ditët në vijim.
Ndërsa numri i personave të ndaluar për zjarrvënie gjatë javëve të fundit është domethënës, ripërsërisim apelin ndaj prokurorëve e gjyqtarëve, që të zbatojnë me përgjegjshmëri ligjin.”-shkruan Balla.
VAZHDO TË LEXOSH MË TEPËR PËR TEMËN
“Vlora, ngjan si qytetet italiane…”
