Kryebashkiaku i zgjedhur i Himarës, Fredi Beleri ka reaguar nga burgu pas intervistës së kryeministrit Edi Rama për gazetën greke “Kathimerini”.
Beleri në një reagim në rrjetet sociale, shkruan se kjo është dalja e katërt e Ramës në 12 ditë dhe sipas tij, kjo vjen pasi Athina nuk e ftoi në darkën me liderët e Ballkanit Perëndimorë dhe kështu kryeministri ka kuptuar pasojat e veprimeve të tij në procesin e anëtarësimit por edhe pozicionin ndërkombëtar të Shqipërisë në përgjithësi.
Beleri po ashtu thotë se kreu i qeverisë ka treguar pendesë për gjuhën e përdorur ndaj tij në zgjedhjet e 14 majit.
“Ai vazhdon të shtrembërojë realitetin dhe të gënjejë. Shpresoj që ai të ketë rënë viktimë e dezinformimit dhe ta kuptojë herët, përpara se pasojat për Shqipërinë, Bashkinë e Himarës dhe mua personalisht të bëhen të pakthyeshme”, shkruan Beleri në postimin e tij.
Postimi i plotë i Fredi Belerit:
Fredi Beleri, duke komentuar intervistën e kryeministrit shqiptar Edi Rama për gazetën KATHIMERINI, ka bërë deklaratën e mëposhtme:
“Intervista e vetëkërkuar e kryeministrit Edi Rama për KATHIMERINI, dalja e katërt publike e tij për rastin tim në 12 ditët e fundit, kur ndërkohë ai mbajti një heshtje peshku për 90 ditë rresht që nga arrestimi im, më çon në tre përfundime kryesore:
Së pari, filloi të kuptojë, pasi Athina e detyroi të mungonte në foton e madhe të liderëve të Ballkanit Perëndimor, pasojat e veprimeve të tij në procesin e anëtarësimit por edhe pozicionin ndërkombëtar të Shqipërisë në përgjithësi. Asnjëherë nuk është vonë.
Së dyti, vendosi të tregojë pendesë për sulmin publik shpifës dhe abuziv ndaj meje para zgjedhjeve por duke e bërë këtë artificialisht dhe me kujdes për të shkëputur përndjekjen time nga sulmi i tij dhe për të treguar se është lider autocensurues. Shpresoj që në një të ardhme të afërt të gjejë staturën politike për të bërë mea culpa, por ta nënkuptojë dhe ta vërtetojë në praktikë.
Së treti, ai vazhdon të shtrembërojë realitetin dhe të gënjejë. Shpresoj që ai të ketë rënë viktimë e dezinformimit dhe ta kuptojë herët, përpara se pasojat për Shqipërinë, Bashkinë e Himarës dhe mua personalisht të bëhen të pakthyeshme.
Kërkova nga redaksia e KATHIMERINI që të dielën e ardhshme, më 3 shtator, të pranojë një shkrim timin me rastin e intervistës së Edi Ramës. Nesër të rëndësishmet zoti Rama”.
VAZHDO TË LEXOSH MË TEPËR PËR TEMËN
“Nuk e marr personale”, Rama për ‘Kathimerini’: Ja si do veprojmë me Fredi Belerin
“Retorika ka ndryshuar, Athina kërkon betimin e Belerit, jo lirimin nga burgu”- Gazeta greke
“Kathimerini”: Rama nuk u ftua pasi e kaloi kufirin me çështjen Beleri
