Çmimet e ushqimeve pritet të rriten në muajt e ardhshëm si pasojë e “El Niño”, sipas një artikulli të Financial Times. Fenomeni parashikohet të rrisë ndjeshëm temperaturën në zonat prodhuese të Azisë dhe Amerikës Qendrore në periudhën e ardhshme, por edhe të shkaktojë reshje të dendura shiu në zona të Amerikës së Jugut.
El Niño, veçanërisht në 2009-10 dhe 2015-16, ka shkaktuar valë të zgjatura të nxehtit, thatësira dhe përmbytje të herëpashershme, duke çuar në probleme të rënda të korrjeve dhe rritje të çmimeve të ushqimeve.
Si po ndikon ngrohja globale në çmimet e ushqimeve?
Sipas raporteve të kaluara nga Banka Qendrore Europiane, një rritje e temperaturës me një gradë Celsius çon në një rritje të çmimeve globale të ushqimeve me më shumë se 6%, një vit pas fillimit të fenomenit.
Kërcënimi i El Niño për familjet në mbarë botën shton një sërë rreziqesh që tashmë po ushtrojnë presione të forta mbi kostot e ushqimit.
Dy faktorët kryesorë që qëndrojnë pas pasigurisë globale ushqimore, përveç El Niños, është prishja e marrëveshjes për të eksportuar grurë ukrainas përmes Detit të Zi në korrik, me Rusinë që më pas bombardon depot, portet dhe tragetet në Detin e Zi dhe Danub dhe vendimi pothuajse i njëkohshëm i Indisë për të ndaluar ose kufizuar eksportet e orizit në mënyrë që të parandalojë rritjen e çmimit në tregun e brendshëm.
Duke qenë se Rusia, Ukraina dhe India kanë qenë historikisht tre nga eksportuesit më të mëdhenj në botë të drithërave, misrit, vajit dhe orizit, këto zhvillime kanë ngritur shqetësime serioze në të gjithë zinxhirin e prodhimit dhe transportit.
Veteranët e tregut theksojnë gjithashtu se ekziston rreziku i lëvizjes së kontejnerëve, që do të thotë se mungesa e qoftë edhe një malli si gruri mund të shkaktojë një rritje domino të çmimeve të orizit, duke qenë se ai është alternativa më e lehtë për shumë konsumatorë, veçanërisht në vendet në zhvillim.
Shqetësim shtesë është shkaktuar nga mundësia e kufizimit të eksporteve të sheqerit indian si pasojë e mungesës së ujit, të vërejtur në zonat e prodhimit muajt e fundit.
Indeksi Botëror i Ushqimit i OKB-së, i cili ka qenë në rënie pothuajse të vazhdueshme që nga vera e kaluar, u rrit me 1.5 pikë midis qershorit dhe korrikut.
VAZHDO TË LEXOSH MË TEPËR PËR TEMËN
Çmimet në rritje ‘paralajmërojnë’ trazira
Mungesa botërore e drithit do të sjellë zi buke
Pse europianët po përballen me një “dimër të ashpër”
