Numri i njerëzve që kalojnë Kanalin Anglez me varka të vogla ka kaluar 15,000 persona deri më tani. Shifra u arrit pasi qeveria njoftoi një partneritet me kompanitë e mediave sociale që synojnë të ndalojnë reklamat e bandave të kontrabandës.
Partneriteti vullnetar do të bëjë që firmat të punojnë me Agjencinë Kombëtare të Krimit (NCA). Për “projektin” janë akorduar 11 mln paund.
Sipas shifrave të Home Office, pas asnjë kalimi që nga 26 korriku, 262 persona kaluan të premten dhe 77 të shtunën, duke e çuar totalin e këtij viti në 15,072. Shifra për të njëjtën kohë në vitin 2022 ishte 17,785, që do të thotë se ka pasur një rënie deri më tani këtë vit prej 15%.
Kryeministri Rishi Sunak, duke vizituar stafin e Home Office në Dover në mars, është zotuar të ndalojë anijet e vogla që kalojnë Kanalin.
Meta, e cila zotëron Facebook dhe Instagram, si dhe TikTok dhe X, të njohur zyrtarisht si Twitter, janë regjistruar të gjithë në planet e mediave sociale. Lidhur me planin e ri, kryeministri Rishi Sunak tha: Për të ndaluar gomonet, ne duhet të trajtojmë modelin e biznesit të kontrabandistëve të poshtër në burim. Ky angazhim i ri nga firmat e teknologjisë do të na shohë të dyfishojmë përpjekjet tona për të luftuar kundër këtyre kriminelëve, duke punuar së bashku për të mbyllur tregtinë e tyre të ndyrë.
“Ky bashkëpunim i forcuar midis Agjencisë Kombëtare të Krimit, qeverisë dhe kompanive të mediave sociale do të sigurojë që përmbajtjet që promovojnë kalimet e rrezikshme dhe të paligjshme të Kanalit të mos shohin dritën e diellit,”-shtoi sekretarja e Brendshme, Suella Braverman.
Çfarë fshihet pas numrit të emigrantëve?
Zëdhënësi i Çështjeve të Brendshme, Alistair Carmichael tha se publiku ka humbur besimin në këtë Qeveri përsa i përket sistemit të azilit dhe se lajmi i fundit nuk do të bëjë diçka për ta ndryshuar. Ndërkohë, laburistët akuzuan qeverinë për dështimin e deritanishëm./BBC
VAZHDO TË LEXOSH MË TEPËR PËR TEMËN
5 kanalet e ngushtica, nga të cilat varet tregtia botërore
Bllokimi i Kanalit të Suezit, një mësim për fuqitë detare
