Ministri i Brendshëm Taulant Balla, ka njoftuar se së bashku më Policinë e Shtetit është ngritur një plan masash për të lehtësuar trafikun e rënduar jo vetëm në Tiranë, por edhe qytete të tjera të mëdha.
Ministri Balla është shprehur se shumë shpejt do të ndërhyhet me karoatrec për të zhvendosur makinat e parkuara gabim dhe do të bllokohet.
“Ne duam mirëkuptimin e drejtueseve dhe drejtuesve të mjeteve, se makina juaj e parkuar gabim është një problem shumë i madh për të tjerët, të cilëve u ke zënë rrugën, po ashtu dhe një karshillëk i madh ndaj Kodit Rrugor. Numri i madh i masave ditën e djeshme në Tiranë, është një apel publik për reflektim dhe bashkëpunim drejtuar përdoruesve të mjeteve. Policia e Shtetit nuk do ta tolerojë asnjë çast këtë shkelje masive dhe këtë karshillëk. Brenda pak ditësh çdo mjet i parkuar gabim do të largohet nga vendqëndrimi i gabuar me makineri të specializuar të kontraktuar nga Policia Rrugore dhe do të bllokohet”, deklaron ministri.
Balla shprehet se trafiku i rënduar në kryeqytet dhe në qytetet e tjera ka si burim kryesor edhe parkimet e gabuara, ndërsa theksoi se kësaj situate “duhet t’i jepet fund”
“Parkimeve të gabuara vend e pa vend, parkimeve dyshe, treshe mu në mes të rrugës, parkimeve mbi trotuar apo tek korsia e biçikletave etj., do duhet t’i jepet fund. Trafiku i rënduar në kryeqytet dhe në qytetet e tjera ka si burim kryesor edhe parkimet e gabuara, të cilat bllokojnë rrjedhshmërinë e trafikut”, tha Balla.
VAZHDO TË LEXOSH MË TEPËR PËR TEMËN
Balla: Nuk kam fshesë magjike t’i zhduk me një goditje shpërndarësit
Balla: S’më gëzojnë ‘sukseset’ e gjobave, por ndjesia e qytetarëve se duhen zbatuar rregullat
