Banorët e katër fshatra të njësisë administrative të Zall Herr janë ngritur sërish në protesta kundër guroreve në zonë, që sipas tyre po u shkatërrojnë rrugët e banesat.
Ata shprehen se guroret i kanë dëmtuar ujin e pijshëm, i cili u vjen në rubinetet e çezmave i turbullt.
Ndërsa shprehet se institucionet nuk kanë reaguar për kërkesat e tyre, ndaj nga dita e sotme (18 shtator) s’do lejojnë kalimin e kamionëve.
“Që nga sot nuk do të lejojmë asnjë kamion. Nuk ka asnjë reagim nga institucionet. Sot ndaj e organizuam këtë protestë që të vihen në dijeni. Se ata mund të thonë se nuk jemi vënë në dijeni. Probleme kemi dhe për ujin e pijshëm. Guroret na kanë dëmtuar ujin e pijshëm. Se shi nuk ka rënë, uji nuk pihet është i turbullt. Banesat kanë rënë 300 metra, janë plasaritur”, tha një prej banorëve të zonës.
Banorët shprehen se janë harruar nga politika dhe në zonën e tyre s’ka asnjë investim në infrastrukturë.
Ndërsa shtuan në orën 16:00 do të përshkallëzojnë protestën e tyre, se do të bllokojnë rrugën ku kalojnë kamionët e guroreve.
VAZHDO TË LEXOSH MË TEPËR PËR TEMËN
‘Rruga e Vdekjes’/ Në 10 vite, 24 të vdekur
“Kriza zgjidhet mbi parime”/ Basha: Oqeani i shpresës mbrëmë në Tiranë!
