12.09.2023 - 09:59
Të tjera detaje kanë dalë pas ngjarjes tragjike në Greqi, ku u vranë me armë zjarri 6 shtetas të dyshuar si shqiptarë.
Sipas mediave greke, Policia ka ndërtuar 2 skenarë lidhur me ngjarjen e rëndë që u mori jetën shqiptarëve.
Skenari i parë, të cilin e konsiderojnë më të mundshëm, është se autorët u kishin bërë pritë 6 personave të vrarë.
Dhe skenari i dytë është se mes dy bandave ka pasur një “takim”, por pasi nuk është arritur “marrëveshje” mes tyre, kanë nxjerrë pistoletat dhe kanë qëlluar në drejtim të njëri-tjetrit.
Gjithashtu sipas asaj që bëjnë të ditur mediat greke, anëtarët e dy bandave njiheshin me njëri-tjetrin.
Pesë prej gjashtë viktimave u ekzekutuan brenda një makine me targa gjermane tip “Ford” në periferi të Athinës në Greqi.
VAZHDO TË LEXOSH MË TEPËR PËR TEMËN
"6 të vrarët janë turq jo shqiptarë"
