Ambasadori i Shteteve të Bashkuara të Amerikës në Beograd, Christopher Hill ka dhënë përshtypjet e tij lidhur me takimin e lartë në kuadër të dialogut Kosovë-Serbi, të ndërmjetësuar nga Bashkimi Evropian, për të cilin tha se ishte në favor të Serbisë.
Në një prononcim për agjencinë serbe të lajmeve “Tanjug”, ka deklaruar se negociatat mes Kryeministrit të Kosovës, Albin Kurti, dhe Presidentit të Serbisë, Aleksandër Vuçiç, ishin vërtet të vështira, por se Serbia i kishte bërë detyrat e shtëpisë dhe ishte përgatitur mirë.
Diplomati amerikan shpreson që procesi i dialogut të vazhdojë, dhe se Serbia me pjesëmarrjen në të mund të vazhdojë të punojë drejt anëtarësimit në Bashkimin Evropian.
Takimi Kurti-Vuçiç 14 shtator
Takimi i nëntë ndërmjet Albin Kurti dhe Aleksandër Vuçiç-it nuk prodhoi ndonjë rezultat. Sipas Shefit të Diplomacisë së BE-së ishte Kurti ai që nuk e pranoi propozimin e BE-së për zbatimin e njëkohshëm të obligimeve që dalin nga kjo marrëveshje, ndërsa Vuçiç-i e pranoi.
Borrell tha se Kurti këmbënguli që të formalizohet, fillimisht, njohja de facto e Kosovës nga Serbia, kurse Vuçiç kërkoi themelimin e Asociacionit të Komunave me Shumicë Serbe në Kosovë. Kurti dhe Vuçiç, në konferenca të ndara për media, akuzuan njëri-tjetrin për mungesën e rezultateve nga takimi.
Kurti tha se kushtëzimi i Serbisë për formimin e Asociacionit është shndërruar në qëndrim të emisarëve të BE-së. Sipas Vuçiç-it, Kurti, thjesht i shmanget formimit të Asociacionit. Ky është thelbi i gjithçkaje.
VAZHDO TË LEXOSH MË TEPËR PËR TEMËN
“Marrëveshjet të detyrueshme, të zbatohen pa vonesë”
A do të ketë “tym të bardhë” nga takimi Kurti-Vuçiç?
Kurti: Vuçiç-i nuk pranoi takim trilateral
