Analisti Skënder Minzhozi i ftuar në emisionin “Real Story” me gazetarin Sokoll Balla në ABC News, foli edhe në lidhje me SPAK-un si opozitë e Ramës.
Ai tha se tanimë gara nuk është pozitë – opozitë, por në fushë ka zbritur edhe SPAK.
Sipas tij SPAK do të jetë gjithnjë e më shumë protagonist, por Rama po reflekton pasi është i pari që i ka rënë në kurriz.
“Unë mendoj se tani virtualisht gara për një protagonizëm social në Shqipëri, nuk është më pozitë- opozitë, në fushën e lojës ka zbritur SPAK. Ai për të cilin ne jemi lutur që të jetë aty.
Nuk duhet të harrojmë që ministrat së bashku me Ramën janë subjekt i konsumit. Po marrim ministret si Manastirliu apo Xhaçka që kanë disa vite, edhe ata pësojnë një konsum.
Dhe kur themi që Rama është i konsumuar, duhet të dimë që edhe ata që punojnë me Ramën janë konsumuar.
Në diskurin publik ka hyrë edhe një temë e re, ka hyrë tema e hetimeve nga SPAK. Unë mendoj që SPAK do të jetë gjithë e më tepër protagonist, sepse nëse marrin dy asambletë e fundit të PS. Në të parën duhet të ishte një “dasëm” pas fitores, por Rama i shkarkoi të gjithë. Ai u soll si pasojë e situatës që kishte krijuar SPAK.
Pse ndodhi kjo? Rama është i pari që po reflekton sepse të tjerëve nuk i kanë rënë ende mbi shpinë. Rama po reflekton duke riformatuar partinë dhe qeverinë në funksionon të kësaj lufte të re treshe dhe komponenti i treti është pikërisht SPAK.
Emërimet e ministrave të rinj, i reflektojnë këto realitete të reja brenda mazhorancës.
Vota e Braçes ishte personale, por ai ka mbajtur qëndrime që parimisht shkojnë kundër asaj vote që ai dha sot. Ai ka qenë për një spastrim.
Votat e sotme për mua treguan ndër të tjera që ministrat janë objekt konsumi” tha Minxhozi.
Ndërkohë që analisti tjetër i ftuar në studio, Frrok Çupi u shpreh se mazhoranca ka krijuar mekanizma të bluarjes së çështjen para se ajo të shkoi në SPAK.
Ai theksoi se kryesorja është fakti që në intuitën e popullit hyn ideja se mazhoranca e mbështeti dhe e solli deri këtu reformën në drejtësi me mendimin që në radhë të parë do ta pësojë vetë.
Sa i përket opozitës dhe vetëshkatërrimit të saj, Çupi shprehet se kjo vjen pikërisht vjen për shkak të frikës dhe tensionit nga SPAK.
“Ka ndodhur dhe po ndodh që mazhoranca të ketë e krijuar një shans dhe të ketë një shans. Tani në raport me SPAK, mazhoranca po luan shansin dhe nuk po luan humbjen dhe ky është një problem interesant.
Sa më shumë njerëz nga mazhoranca thërret SPAK, madje edhe i dërgon në gjyq, madje bëhet edhe publike, mazhoranca nuk tronditet.
Dhe çfarë ka ndodhur? E para ka ndodhur kjo që konstatuat ju, që Rama, mekanizmi brenda qeverisë ka aplikuar një sjellje të vecantë që e bluan cështjen që ka shkuar në SPAK para se gjëja të marrë dhenë.
Kryeministri ka spostuar disa nga figurat shumë më shpejt se të merren në SPAK dhe ato kthehen në një vlerë. Në vlerën morale të vetëpastrimit.
Por kjo nuk është kryesorja, kryesorja është fakti që në intuitën e popullit hyn fakti që kjo mazhorancë e mbështeti e solli deri këtu reformën në drejtësi me mendimin që në radhë të parë do ta pësojë vetë.
Tani është e qartë që kjo mazhorancë ka një aftësi që krijoi një mekanizëm për të ndëshkuar njerëzit e vet.
Problemi tanimë është në opozitë, pse po vetëshkatërrohet? Pikërisht për shkak të frikës dhe tensionit” tha Çupi.
VAZHDO TË LEXOSH MË TEPËR PËR TEMËN
Arbitri ndërkombëtar për detin, një thikë e domosdoshme me dy presa
“Marrëveshjet Shqipëri- Kosovë nuk do të mbesin në letër”
Fitoi humbja!
