Republika e vetëshpallur separatiste e Nagorno-Karabakh njoftoi të enjten vetëshpërbërjen dhe shpërbërjen e të gjitha institucioneve të saj nga 1 janari 2024.
Dekreti i liderit të asaj enklave, Samvel Shahramanyan, shpalli shpërbërjen e “të gjitha institucioneve dhe organizatave qeveritare… më 1 janar 2024″, dhe si rezultat, Republika e Nagorno-Karabakut do të pushojë së ekzistuari.”
Separatistët armenë në Nagorno-Karabakh pësuan një disfatë ushtarake në njëzet e katër orë javën e kaluar, duke i detyruar ata të kapitullojnë ndaj Azerbajxhanit, vendit nga i cili u ndanë pas rënies së BRSS, për më shumë se tridhjetë vjet. Armenia, e cila e ka mbështetur këtë territor prej dekadash, këtë herë nuk ndërhyri ushtarakisht, duke i hapur rrugën riintegrimit të rajonit në Azerbajxhan.
Në kohën sovjetike, Nagorno-Karabakh u shpall një rajon autonom brenda Azerbajxhanit.
Pas rënies së Bashkimit Sovjetik, armenët atje përmbysën kontrollin nominal të Azerbajxhanit dhe pushtuan territorin fqinj në Luftën e Parë të Karabakut.
Nga viti 1988 deri në vitin 1994, rreth 30,000 njerëz u vranë dhe më shumë se një milion u zhvendosën, kryesisht Azerbajxhanë.
Pas fitores së Azerbajxhanit javën e kaluar, popullsia armene filloi një eksod: rreth 65,000 njerëz nga një popullsi prej rreth 120,000 u larguan brenda pak ditësh nga frika se mos ishin në shënjestër të represionit të Azerbajxhanit, pavarësisht premtimeve të Bakut për të respektuar të drejtat e tyre.
Kryeministri armen Nikol Pashinyan tha se nuk do të ketë më armenë në Nagorno-Karabakh, ndërsa qytetarët nga Azerbajxhani do të vendosin vetë, nëse duan të kthehen aty apo jo.
VAZHDO TË LEXOSH MË TEPËR PËR TEMËN
