Kryeministri Edi Rama është shprehur se Pavarësia e Kosovës nuk mund të shërbejë si pretekst për rrëmbim territoresh nga vendet e tjera.
Komentet Rama i bëri gjatë fjalës së tij në mbledhjen e Këshillit të Sigurimit të OKB-së, që drejtohet nga vetë kryeministri.
Sipas Ramës, Rusia dhe vende të tjera e kanë përdorur pavarësinë e Kosovës për të justifikuar ëndrrat e tyre neoimperiale. Më tej ai deklaroi se Shqipëria do të qëndrojë përkrah Ukrainës dhe jo agresorit.
“Rusia dhe të tjerë janë përpjekur ta keqpërdorin lindjen e Republikës së Kosovës, për të justifikuar ëndrrat e tyre neoimperiale. Pavarësia e Kosovës që është sanksionuar nga Gjykata ndërkombëtare Penale, e cila nuk mund të shërbejë si pretekst për rrëmbim territoresh. Pavarësisht gjuhës racës dhe kombësisë dhe jo të ngremë mure për fantazmat e të shkuarës.
Nëse paqja në rajonin tonë është e prekshme, kjo ka të bëjë me mësimet e nxjerra nga e shkuara. Duke ecur përmes bashkëpunimit dhe jo duke krijuar barriera. Karta e Kombeve të bashkuara na bën thirrje për të jetuar në paqe. Shqipëria e ka bërë zgjedhjen e saj, të ngrihet për paqen, të qëndrojë krah të agresuarit dhe jo agresorit, faleminderit”, është shprehur Rama.
