Politikani gjerman dhe deputeti i Parlamentit Evropian, Reihnard Butikofer në lidhje me takimin e sekretarit të përgjithshëm të NATO-s, Jens Stoltenberg me presidenten e Kosovës, Vjosa Osmanin.
Butikofer ka thënë se e mirëpret faktin që Stoltenberg nuk po i bashkohet politikanëve të SHBA-së dhe BE-së përball Kosovës.
Eurodeputeti ka shkruar se politika e SHBA-së dhe BE-së ndaj Kosovës dhe Serbisë është e njëanshme në favor të Beogradit zyrtar.
I welcome very much that NATO Secretary General #Stoltenberg is not joining the many US and EU politicians that have been refusing to have diplomatic exchanges with #Kosovo recently, effectively ostracizing the country. 1/5https://t.co/3PxwOGTJq2
— Reinhard Bütikofer (@bueti) September 7, 2023
Sipas tij janë vendosur standarde të dyfishte duke injoruar në masë të madhe se Kosova ka kaluar në dhimbje të mëdha për t’i bërë vlerat evropiane një matës për politikën e tyre.
Ai ka thënë se situata në rajon mund të destabilizohet edhe më shumë si rezultat i qasjes së gabuar të SHBA-së dhe BE-së. Ai i ka bërë thirrje Përfaqësuesit të Lartë të BE-së, Josep Borrell, që “të lë prapa paragjykimet spanjolle anti-kosovare” dhe të mësojë nga Stoltenberg, për të rifilluar menjëherë dialogun me Kosovën.
“Situata në Ballkanin Perëndimor destabilizohet më tej përmes pozicionimit të gabuar të BE-së dhe SHBA-së. HRVP Josep Borrell më në fund duhet të lërë prapa paragjykimet anti-kosovare të atdheut të tij spanjoll, të mësojë nga Sekretari i Përgjithshëm Stoltenberg dhe të rifillojë menjëherë dialogun e nevojshëm me Kosovën. Pa dyshim, gabime ka bërë edhe qeveria e Kosovës. Por është thjesht e papranueshme dhe madje joevropiane ta sanksionosh atë rëndë, ndërkohë që të gjitha veprimet e presidentit serb Vuçiç kundër angazhimeve të tij, duke përfshirë mobilizimin e tij të bandave të dhunshme të banditëve, tolerohen me durim të pafund,” ka shkruar Butikofer.
VAZHDO TË LEXOSH MË TEPËR PËR TEMËN
“Serbia dhe Kosova të marrin shembull Marrëveshjen e Prespës”
‘Nuk ka rrezikim të marrëdhënieve Kosovë-NATO’
‘Prishtina përballet me pasoja serioze nëse e krijon ushtrinë’
