Media serbe “Danas” ka paralajmëruar ditën e djeshme se Bashkimi Evropian po përgatit sanksionet për Serbinë pas sulmit terrorist në Veri. “Sanksionet e planifikuara kundër Serbisë përbëhen nga një grup masash që do të ndërmerren në disa faza”, tha për Danas një burim diplomatik i Bashkimit Evropian, i cili dëshiron të mbetet anonim. Duke komentuar deklaratën e djeshme të raportueses së Parlamentit Evropian për Kosovën dhe deputetes Viola von Cramon se për Serbinë është përgatitur një paketë masash si “përgjigje ndaj sulmit terrorist të 24 shtatorit në Banjska”, i intervistuari i Danas thotë se “faza e parë sigurisht që nuk do të ishte drastike.” Duke pasur parasysh se raportuesi i Parlamentit Evropian nuk ka pranuar të thotë se çfarë sanksionesh po përgatiten për Serbinë, pyetja për bashkëbiseduesin e Danas ka qenë se për çfarë sanksionesh bëhet fjalë.
“Për shembull, do të kishte një ndërprerje të negociatave me BE-në, por në praktikë një masë e tillë nuk do të kishte një efekt shumë të madh pasi Serbia ka disa vite që pothuajse nuk ka bërë asgjë për të vazhduar anëtarësimin në BE. Mirëpo, masat që do të kishin të bënin me vizitën e zyrtarëve të BEsë apo ngrirjen e fondeve të destinuara për Serbinë janë Presidenti i Serbisë Aleksandër Vuçiç tha dje se ka pasur një “bisedë shumë të mirë dhe të rëndësishme për të ardhmen e Serbisë” me presidentin francez Emmanuel Macron në Granada, në Spanjë, ku u mblodhën liderët nga Evropa. Vuçiç tha se në Samitin e fundit të Komunitetit Politik Evropian në atë qytet spanjoll, ai pati “takime të rëndësishme me 34 liderë evropianë”. “Kam pasur një bisedë shumë të gjatë, domethënëse dhe shumë të mirë me Presidentin e Francës për të ardhmen e Serbisë. Kjo është gjithçka që mund të them”, u tha Vuçiç gazetarëve në Kovilovo, ku ai vizitoi pjesëmarrësit e ngjarjes “Zbor Krajisnika”.
Ai ka përsëritur se Serbia është “përherë e vendosur për paqe” edhe pse, siç vlerësoi ai, kaosi në botë është shumëfish më i madh, pas konflikteve të reja në Lindjen e Mesme. “Kam frikë se nuk ka fund, por është detyra jonë të mbrojmë vendin tonë, të përpiqemi të përparojmë dhe të jetojmë më mirë, të forcojmë ushtrinë tonë, sepse po të mos kishim një ushtri të fortë, populli ynë do të kishte qenë pre e atyre që do t’i kishin persekutuar nga vatrat e tyre shekullore”, tha Vuçiç. Kujtojmë se takimi mes tyre në hotelin Washington Irving në Alhambra ka zgjatur për gati një orë. “ Falënderova Presidentin Macron për gatishmërinë e tij për të dëgjuar qëndrimet e Beogradit, si dhe për angazhimin e tij personal në rajonin e Ballkanit Perëndimor”, shkroi Vuçiç ditën e takimit, në një postim në Instagram. Në Granada, Vuçiç takoi edhe zyrtarë të tjerë të huaj dhe zhvilloi takime dypalëshe me shumë prej tyre për të diskutuar situatën në rajon dhe Kosovë. Macron priti edhe presidenten e Kosovës Vjosa Osmani, e cila tha pas takimit se ka theksuar rëndësinë e mbajtjes së Serbisë përgjegjëse për sulmin në Banjskë. “Mister” se çfarë u fol, Vuçiç flet për takimin me Macron: Bisedë shumë e mirë shumë më serioze dhe sigurisht që do të ishin në ndonjë paketë të radhës”, thotë burimi diplomatik për Danas.
Vizat për qytetarët Siç shton ai, vendosja e vizave për qytetarët është një masë e gjerë. “Dhe është e qartë për të gjithë se ato do të preknin vetëm qytetarët, jo autoritetet. Kthimi i vizave nuk është në rendin e ditës për momentin. Aktualisht gjithçka është duke u përgatitur dhe gjithçka varet nga reagimi i autoriteteve dhe bashkëpunimi në Kosovë. Raundi i parë i masave, nëse ka, sigurisht që mund të jetë në tavolinë para zgjedhjeve në Serbi “, përfundon bashkëbiseduesi i Danas. Kujtojmë se Viola von Kramon deklaroi dje se për Serbinë është përgatitur një paketë masash si “përgjigje ndaj sulmit terrorist të 24 shtatorit në Banjska dhe se nuk do ta quante sanksione, sepse ato duhet të miratohen nga BE”. “Por ne po flasim për masa politike dhe financiare, të cilat natyrisht do t’i shkaktojnë dëm qeverisë së Serbisë”, tha ajo. Ajo tha se presidenti i Serbisë, Aleksandër Vuçiç, duhet të bashkëpunojë dhe të sigurojë një hetim të duhur për ngjarjen e 24 shtatorit. Vuçiç kontrollon shumë gjëra që ndodhin në Serbi. Vështirë të mendosh se ai nuk ishte në dijeni të asaj që po ndodhte në lidhje me blerjen e armëve dhe as organizimin e grupit agresor. Megjithatë, nuk mendoj se Serbia është e interesuar për një sulm të madh ushtarak apo luftë”, tha ajo. Akuzat e forta të Kosovës dhe reagimi i Vuçiç Ditën e djeshme po ashtu ministri i Punëve të Brendshme të Kosovës, Xhelal Sveçla, tha se në sulmin në Banjskë mori pjesë Millorad Jevtiç, që sipas tij, “njihet si një ndër bashkëpunëtorët më të afërt të Danillo Vuçiç, djalit të presidentit serb, Aleksandër Vuçiç”. Por presidenti serb, mohoi se djali i tij, Danillo, është përfshirë në sulmin në Banjskë kundër policisë së Kosovës më 24 shtator. “Karakteristika e parë e një frikacaku është kur dikush sulmon familjen e tjetrit, fëmijët e tij, sepse ata gjithmonë janë shënjestra më e lehtë”, shkroi Vuçiç. “Mbetet që organet e sigurisë dhe hetimet të zbulojnë se përveç Vuçiçit dhe strukturave të larta shtetërore serbe, a ka qenë edhe djali i tij i përfshirë në planifikimin dhe organizimin e sulmit terrorist në Banjskë të Zveçanit”, shkroi Sveçla në Facebook. Sveçla tha se pas sulmit në Banjskë autoritetet gjetën një dokument personal të Jevtiçit, i cili sipas tij, “nga pesë vizitat e fundit të djalit të Vuçiçit në Kosovë, katër herë ata kanë qenë bashkë në të njëjtën veturë”. Më 24 shtator, një grup i armatosur sulmoi një njësi patrulluese të policisë së Kosovës në një rrugë në fshatin Banjskë, duke vrarë rreshterin Afrim Bunjaku. Më pas, grupi i sulmuesve u strehua në manastirin në Banjskë, prej ku vazhdoi përleshjet me zyrtarët policorë. Gjatë përleshjeve, sipas autoriteteve kosovare, janë vrarë tre sulmues.
VAZHDO TË LEXOSH MË TEPËR PËR TEMËN
‘Haradinaj dëshiron kapitullimin e Serbisë’
