Militantët e Hamasit kanë kryer disa maskra njerëzore gjatë 5 ditëve të konfliktit midis Izraelit dhe Palestinës në Gaza. Një ngjarje e rëndë që ka tronditur opinionin botëorë është një “masakër” në Kfar Aza gjatë sulmeve në fundjavë, në të cilën gratë, fëmijët, të vegjëlit dhe të moshuarit “u vranë brutalisht në një mënyrë veprimi të ngjashme me ISIS”, i tha CNN të martën Forcat e Mbrojtjes së Izraelit (IDF). .
IDF tha se nuk mund të konfirmojë numrin e njerëzve të vrarë atje dhe nuk do të hyjë në detaje se si u vranë njerëzit.
Shtëpitë në Kfar Aza u plaçkitën dhe u dogjën. Dyshekë të përmbysur, mobilje të shkatërruara, xhingla të thyera dhe granata të pashpërthyera ishin të shpërndara nëpër terren, së bashku me trupat e pajetë.
“Unë kurrë nuk kam parë diçka të tillë në karrierën time në 40 vjet shërbim.” tha gjenerali major Itai Veruv për CNN të martën, vetëm disa orë pasi trupat izraelite siguruan kibutin Kfar Aza nga Militantët e Hamasit.
Veruv tha se ushtarët e tij kaluan “rreth 48 orë” duke luftuar “valët e terroristëve” në rrugë dhe në komunitetet fqinje. Ai tha se kishte filluar të luftonte me militantët në Moshav (komunitetin) Yakhini të shtunën, duke lëvizur më pas “nga beteja në betejë”, në rrugën për në Sderot, përpara se të arrinte në kibbutz Be’eri të hënën në mbrëmje.
“Pashë qindra terroristë me armaturë të plotë, me pajisje të plota, me të gjitha pajisjet dhe të gjithë aftësinë për të bërë një masakër, që shkonin nga apartamenti në apartament, nga dhoma në dhomë dhe të vrisnin foshnja, nëna, baballarë në dhomat e tyre të gjumit,” tha Veruv për CNN.
Militantët e Gazës kanë sulmuar me raketa Izraelin mëngjesin e së shtunës. Forcat e Mbrojtjes të Izraelit thanë se kanë shpallur gjendje gatishmërie për luftë në përgjigje të sulmit të befasishëm nga Gaza. Ushtria izraelite ka nisur të kryejë sulme hakmarrëse ajrore në Rripin e Gazës dhe ka paralajmëruar se Hamasi do të paguajë një çmim shumë të rëndë.
VAZHDO TË LEXOSH MË TEPËR PËR TEMËN
“Terrorizmi dhe lufta nuk çojnë në asnjë zgjidhje”
“Mbi 100 civilë dhe ushtarë janë marrë peng nga militantët palestinezë”
‘Udhëhoqi’ sulmin në Izrael/ Kush është Mohammed Deif, organizatori i territorit
